В лето 6562 (1054).Преставился Великий князь русьскый Ярослав.
И еще бо живущу ему, наряды сыны своя,рек им:
*Се бо отхожю света сего, сынове мои; имейте в собе любовь, понеже вы естье братья
единого отца и матере. Да еще будете в любви межю собою, Бог будет в вас, и покорите
вы противные под вы. И будете мирно живуще. Аще ли будете ненавидно живуще, в роспрях
и которающеся, то погибнете сами, и погубите землю отець своих и дед своих, иже налезоща
трудом своим великим; но пребывайте мирно, посещающе брат брата.
Се же поручаю в себе место стол старейшему сыну моему и брату вашему Изяславу Кыев; сего
послушайте якоже послушаете мене, да той вы будете в мене место; а Святославу даю Чернигов,
а Всеволоду Переяславль, а Игорю Володимер, а Вячеславу Смоленск*.